2A6                TESTAMENTS ENREGISTRÉS AU PARLEMENT DE PARIS            (486)
Dieu, à la glorieuse Vierge Marie,' à monseigneur saint Michiel l'angle
et à toute la benoîte court de Paradis.
■ Item, voult et ordena ses debtes estre patées et ses torfaiz estre
amendez par ses executeurs cy après nommez, dont il leur apperra
deuement.
Item, esîeut sa sepulture en l'eglise de Saint Severin à Paris, dont elle est paroissienne, en tel lieu et place qu'il plaira à ses diz execu­teurs.
Item, voult et ordena son luminaire, qui ardera autour de son corps, estre fait de xii torches, chascune de quatre livres de cire, et de quatre cierges, chascun de quatre livres pesant.
Item, aux chapellains frequentans en la dicte eglise de Saint Seve­rin jusques au nombre de xx, à chascun d'eulx ii solz Parisis, parmi ce que ilz seront tenuz de venir quierre son corps, aidier à dire vigilles pour elle, et convoyer son dit corps jusques à la dicte eglise de Saint Severin, pour le enterrer.
Item, elle voult et ordena que, en la fin de la haulte messe de son obit et à l'eure que on voudra mettre son corps en terre, soient donnez et aumosnez à povres gens par l'ordenance de ses diz executeurs, en l'onneur et pour l'amour de Dieu et des vu euvres de misericorde, vu frans, tant comme ilz [se] pourront extendre, c'est assavoir, à chas­cun povre n deniers Parisis.
Item, elle voult et ordena l messes estre dictes le jour de son enter­rement en la dicte eglise de Saint Severin, ou plus, se tant y pevenl estre dictes ce dit jour jusques à l'eure de midi, et pour ce voult estre paié à chascun Chapellain ii solz Parisis.
Item, laissa à la fabrique de la dicte eglise de Saint Severin dix frans, pour une foiz.
Item, laissa à la dicte eglise à tousjours lx solz Parisis de rente per-petuele que elle et Pierre de Cerisy, son gendre, et Jehanne, sa femme, fille d'elle, ont acquestez ensemble sur la moitié des estaulx et pierres où l'on vend le poisson d'eaue doulce à Petit Pont àParis, près du Petit Chastellet, que tient Pierre le Nourricier, tant pour la sepulture d'elle.